CityU+沙爹王

CITYU open day...我,妹妹,DIDI一齊去睇吓.....
不過,我地都好唔鍾意個校舍="=(不過入到先算啦)
我地10點幾去到....行咗一陣,無似上次去POLY咁興奮,
只係向有興趣既學系行吓,問吓,睇吓.......
似乎,D學生唔會點理人,要問先答,好少走來撩你,
問咗想知既野,連TALK都無聽就走了~(因為我餓了)
------------------------------------------------------------
搭車去MK搵食,
去試咗同學們一致好評的"沙爹王"
我地點咗:

白咖哩金邊粉+脆雞(好好味!!!)

蟹粉蟹鉗豆腐鍋(好膩.....麻麻地啦)

蝦棒春捲(食咗一半先記得影,幾好味,不過份量少)
仲有飲品唔記得影,(選了乳酸飲品)
之後又覺得唔夠飽,追加多個沙爹汁+白飯(咁就$18喇!!!好過份!)
因為我地都覺得黎沙爹王唔食沙爹...有點美中不足,
點知!唔叫好過...........
原因1.貴(只是汁+白飯)
原因2.好奇怪的味道....可能係我食唔慣沙爹啦~我覺得好大陣花生醬既味,(隻色都好似)
你知我唔多好花生果仁果類野架啦(=~=)而且......佢甜得黎又有D辣,辣得黎又有D花生椰汁味....好奇怪,好膩...=~~~=
原因3.果2個(一向都)迫使我食埋D野佢,唔好浪費....我真係食到想嘔架!

結果...埋單$155.1(加一服務費..但D服務態度就麻麻地),價錢尚可接受
送咗一支沙爹王XO辣椒醬(我要了)同埋$14沙爹王現金卷(DIDI要了)
晚餐時試咗支辣椒醬,D辣油唔令,倒了,但D渣就幾好味,夠辣~
......嗯~~如果我唔係特別想食返個白咖哩,我惗都無咩機會會再去^^"

以上純屬個人意見和口味......不認同便算了~
---------------------------------------------------------
然後我地去埗(妹妹說的)...係深水埗=_=
買咗D DIY材料~(吊墜和木造的公仔牌)
陪佢地買布,就返元朗了~
買埋蛋糕...就返家~~
不過,今日真係用咗好多錢!!!!我要反省!!!!!!!!!
睇來我要計畫一下節儉政策第2季先得=^=
唉.........

P.S班主任今日結婚了~~做10月新娘了~~^////^
不過無去觀禮~~她一定很漂亮吧~~~要幸福啊~
(悄悄地說...其實我都有結婚的打算了~)



不過無對象而已(炸)